ചെറുകഥ
ഇന്നോളം കണ്ടിട്ടുള്ളതില് വച്ചും ഇനിയങ്ങോട്ട് കാണാന് കിട്ടിയേക്കാവുന്നതില് വച്ചും ഏറ്റവും മാതൃകാപരമായ കുടുംബം സാക്ഷാല് ഉണ്ണീശോ വാണ നസ്രത്തിലെ തിരുക്കുടുംബം. അലങ്കാര ദീപങ്ങള് മിഴിതുറന്നു പാല്പ്പുഞ്ചിരി പൊഴിച്ചുനിന്ന തിരുക്കുടുംബത്തിന്റെ ഗ്രോട്ടോയ്ക്കു മുമ്പില് മുട്ടുകുത്തിനിന്ന് ഇരുകൈകളും ഉയര്ത്തി ജോര്ഡി പ്രാര്ഥിച്ചു, മാതാവേ യൗസേപ്പ് പിതാവേ, ഉണ്ണീശോയേ...കോട്ടയം ജില്ലയിലെ പേരൂര്പുരം പഞ്ചായത്തില് പതിനാലാം വാര്ഡില് താമസിക്കുന്ന കരുവേലിക്കുന്നില് സോളമന്റെയും മോളിയുടെയും മൂത്തമകന് സോബിയും ഭാര്യയും ഡൈവോഴ്സിന്റെ വക്കിലാണെന്നുകേട്ടു..സന്തോഷം.
ഇന്നോളം കണ്ടിട്ടുള്ളതില് വച്ചും ഇനിയങ്ങോട്ട് കാണാന് കിട്ടിയേക്കാവുന്നതില് വച്ചും ഏറ്റവും മാതൃകാപരമായ കുടുംബം സാക്ഷാല് ഉണ്ണീശോ വാണ നസ്രത്തിലെ തിരുക്കുടുംബം. അലങ്കാര ദീപങ്ങള് മിഴിതുറന്നു പാല്പ്പുഞ്ചിരി പൊഴിച്ചുനിന്ന തിരുക്കുടുംബത്തിന്റെ ഗ്രോട്ടോയ്ക്കു മുമ്പില് മുട്ടുകുത്തിനിന്ന് ഇരുകൈകളും ഉയര്ത്തി ജോര്ഡി പ്രാര്ഥിച്ചു, മാതാവേ യൗസേപ്പ് പിതാവേ, ഉണ്ണീശോയേ...കോട്ടയം ജില്ലയിലെ പേരൂര്പുരം പഞ്ചായത്തില് പതിനാലാം വാര്ഡില് താമസിക്കുന്ന കരുവേലിക്കുന്നില് സോളമന്റെയും മോളിയുടെയും മൂത്തമകന് സോബിയും ഭാര്യയും ഡൈവോഴ്സിന്റെ വക്കിലാണെന്നുകേട്ടു..സന്തോഷം.
ഒന്നിച്ചൊരു ജീവിതം ഇനിയില്ലെന്നു ദൃഢപ്രതിജ്ഞയെടുത്തിരിക്കുന്ന ഇവരെ ആ തീരുമാനത്തില് ഉറച്ചുനില്ക്കാന് സഹായിക്കുകയും അവരെ ഒരുമിപ്പിക്കാന് നടത്തുന്ന ശ്രമങ്ങളെ കണ്ടില്ലെന്ന്് നടിക്കുകയും ചെയ്താല് ആളൊന്നുക്ക് ഒരുകൂട് കണക്കില് മൂന്ന്കൂട് മെഴുകുതിരി ഞാന് തിരുനടയില് കത്തിച്ചോളാമേ...പിന്നെ കണ്ണുകള് മുറുകെയടച്ച്് മുട്ടിന്മേല് അങ്ങനെയങ്ങ്് നിന്നു.